My Dream Island

عمري ما تخيلت اني في يوم من الايام مش هيبقي عندي وقت اني افكر مع نفسي

أو حتي اريح دماغي من التفكير ذات نفسه
ساعتها بحس اني مخنوقة جدااا
مخنوقة من نفسي
من الناس
من أي حاجة قدامي
ببقي عايزة أسافر لمكان بعيد
مفيهوش ناس تضايق بعضها
أو بمعني أصح
مفيهوش حد أساسا

تخيلت نفسي في جزيرة جميلة
كلها ورد بألوان مختلفة متألقة
والفراشات موجودة في كل مكان..وبكل الالوان اللي لما أشوفها
أقول سبحان الخالق
منظومة ألوان ميقدرش بشر يعمل زيها

وكوخ صغير علي قدي..حوليه جنينة مليانة نخل وأشجار


وألاقي العصافير واقفة علي الاغصان
أصحي الصبح علي صوتهم الملائكي

وأروح للشط أتفرج علي موج البحر ..كأنه حتة من حجر الفيروز
سبحان الله..جو جميل فعلا..ونسمة البحر

اللي مالية المكان كأن البحر بيديني فرصة اني أتنفس هوا جميل..كأنه حاسس بيا
وأرجع ألاقي عصافيري..زي الملايكة ..بحس بألامان معاهم..بحس أنهم أهلي دايما معايا
يخافوا عليا..ويطبطبوا عليا
ياريت أفضل في الخيال ده علي طول..ونفسي فعلا أعيشه بجد في يوم من الايام
وأسافر للجزيرة اللي رسمتها بفرشة خيالي