روح الفريق ده شيء مهم جداا..وكالعادة أحنا مفتقدينه بشدة
أنا عايزة أطبق الموضوع ده علي ممارسة الطب..بما اني من أكتر الناس والحمد لله اللي بتحب تشتغل في فريق الكل فيه يشد بعضه للأحسن
ممكن تلاقوا رأيي هنا غريب شوية..بس أنا مقتنعة بيه جداا
ازاي الدكتور يشتغل لوحده؟؟ يعني حتي لو هو دكتور كبير ومتمكن من تخصصه..هل هيقدر يشخص كل حالة صح؟؟
هل هيقدر يعالج كل حالة صح؟؟
بمعني أصح..أنا مش مقتنعة ان الدكتور يشتغل لوحده في عيادة!!..مش قلتلكم رأيي غريب حبتين
:D
ليه ميبقاش كل الدكاترة بتشتغل في مستشفي وده هيبقي احسن للعيان..لأنه قرار تشخيصه وعلاجه مش هيبقي مربوط
بشخص واحد ..الشخص ده ممكن تكون قراراته غلط..فبالعكس هيبقي قرار الي حد ما مظبوط لأنه متضمن كذا وجهة نظر وكذا رأي
يمكن المشكلة عندي اني مش متخيلة ازاي في يوم من الايام ممكن ابقي مسئولة عن روح بني ادم وأي غلطة صغيرة مني سواء كان عن جهل او اهمال غير مقصود ممكن تبقي عواقبها مش بسيطة
أكيد مش هسامح نفسي ابدا
الوضع أكيد هيبقي مختلف لما فريق من الدكاترة يتناقشوا ويوصلوا سوا لعلاج مثالي للعيان اللي قدامهم ده لأن كل واحد أكيد دماغه غير التانية ..وحتي كمان هما كدة هيستفيدوا من بعض جداا
بتعجبني أوي روح الفريق دي زي مثلا في مسلسل
ER و Grey's Anatomy و Dr House
صحيح المسلسلات دي مش واقعية بالدرجة لكن نفسي بجد الواحد يبقي شوية قريب من طريقتهم في الشغل بيفكروا بجد
:D
ما رأيكم دام فضلكم
أنا عايزة أطبق الموضوع ده علي ممارسة الطب..بما اني من أكتر الناس والحمد لله اللي بتحب تشتغل في فريق الكل فيه يشد بعضه للأحسن
ممكن تلاقوا رأيي هنا غريب شوية..بس أنا مقتنعة بيه جداا
ازاي الدكتور يشتغل لوحده؟؟ يعني حتي لو هو دكتور كبير ومتمكن من تخصصه..هل هيقدر يشخص كل حالة صح؟؟
هل هيقدر يعالج كل حالة صح؟؟
بمعني أصح..أنا مش مقتنعة ان الدكتور يشتغل لوحده في عيادة!!..مش قلتلكم رأيي غريب حبتين
:D
ليه ميبقاش كل الدكاترة بتشتغل في مستشفي وده هيبقي احسن للعيان..لأنه قرار تشخيصه وعلاجه مش هيبقي مربوط
بشخص واحد ..الشخص ده ممكن تكون قراراته غلط..فبالعكس هيبقي قرار الي حد ما مظبوط لأنه متضمن كذا وجهة نظر وكذا رأي
يمكن المشكلة عندي اني مش متخيلة ازاي في يوم من الايام ممكن ابقي مسئولة عن روح بني ادم وأي غلطة صغيرة مني سواء كان عن جهل او اهمال غير مقصود ممكن تبقي عواقبها مش بسيطة
أكيد مش هسامح نفسي ابدا
الوضع أكيد هيبقي مختلف لما فريق من الدكاترة يتناقشوا ويوصلوا سوا لعلاج مثالي للعيان اللي قدامهم ده لأن كل واحد أكيد دماغه غير التانية ..وحتي كمان هما كدة هيستفيدوا من بعض جداا
بتعجبني أوي روح الفريق دي زي مثلا في مسلسل
ER و Grey's Anatomy و Dr House
صحيح المسلسلات دي مش واقعية بالدرجة لكن نفسي بجد الواحد يبقي شوية قريب من طريقتهم في الشغل بيفكروا بجد
:D
ما رأيكم دام فضلكم
13 comments:
ياه ياايمان فعلا طرقتى على وتر حساس
النقطة دى بتثار فى نفسى كتيراوى
مش بس ان معاكى حد تتناقشوا وتقيموا
لا كمان ده هيسهل المهمة اكتر
هتغطوا بعض بالنسبة للوقت
لو المجال الواحد فيه اكتر من متخصص
بس للاسف احنا مااتربيناش على روح التعاون دى
قليل جدا
شوفيها حتى لو كنتم جروب ومطلوب منكم ولو بحث معين تقدموه
او حاجة تعملوها للكلية
واحد هو اللى بيقوم بالشغل كله
لكن فيه مكان قريب لقلبى بتمنى اننا نطلع منه بالتيم ورك ده
لاننا قريبين فى افكار واراء وحاجات كتير جدا
يمكن ده المنتظر يبقى حلمنا الاكبر
:)
WildBird:
المشكلة فعلا ان احنا متربيناش علي الفكرة دي كويس..وزي ما بتقولي في بحث في الكلية ولا حاجة..واحد بس اللي بيعمل الشغل كله..زي حالاتي كدة في بحث الاطفال بتاعنا
:D
بس ايه هو المكان القريب لقلبك با هبة؟
يمكن يكون نفس الحاجة اللي بفكر فيها؟
:)
جميلة اوى الفكرة فى الوقت ده بالذات
فعلا زى ماهبة قالت محدش عودنا على كده
او محدش بيحب المشاركة فى اى حاجة دلوقتى
انا معاكى فعلا ودى نقطة بتخوفنى جدا من الفترة اللى همارس فيها الطب لوحدى وفى مكان منفصل
نقطة من النقاط اللى بتخوفنى جدا من المستقبل
بس قوليلى بردوا ياهبة على المكان ده انا كمان
يمكن تكون الفكرة اللى لسه مفكرتش فيها ؟؟؟؟؟؟؟؟؟
تحياتى ليكى ياجميلة
ٍSomething Like Love:
مشكلة فعلا لو الواحد لوحده يا شيرين
ربنا يسترها معانا
شكرا حبيبتي
اكيد كنت بقصد الميديكال اكسيل
:)
.....
N.B:
plz emy remove word notification from reply..It's annoying
WildBird:
Me too, i have the same idea that u have which i discussed in my topic in MedExcel:)
I removed the notification.
بالتاكيد ياامونه فكره جميله
عارفه اقولك على سر من اسرار حرب اكتوبر المجيده
ههههههههههههه
انا اول لما عرفتكم واندمجت معاكم وحبت اسرتكم بجد
جات ليه فكره او حلم ياعني
حلمت اننا كاسره ميديكال اكسل نبني مستشفى بالمجان
ياعني كل واحد مننا هيكون ليه مستقبل مثلا في اي مستشفى تبعا لاعتبارات حكومتنا الموقره
فقلت ليه باه مانعملش مستشفى يكون فيها كل التخصوصات وقائمه على خدمة المرضى الفقراء
ياعني مجانا او باسعار رمزيه جدااااا
زي الجامعه بس الخدمه تكون فيها عكس الجامعه نهائيا والمهازل اللي للاسف بتحصل فيها
كل واحد مننا هيحتسب الفتره الي هيخدم فيها في المستشفى كانها ذكاه عن نفسه وعائلته
هنبدأ صغيرين اه لكن بدام هدفنا نبيل اكيد ربنا هيقف معانا
وكان اول واحد اطلعه على حلمي ده كان احمد اخويا
دوشته كتير بالمنتدى من كتر تعلقي بيه
شجعته كتير يبقى معانا ومن كتر كلامي عنكم انبهر وانبهر اكتر لما دخل الجنرال توك
كان نفسي فعلا يكون زميل لينا فيما لكن الرياضه دايما واخده مني
حلمنا جميل بالتاكيد وهيكون اجمل لما نحققه في يوم من الايام ان شاء الله
مشكوره حبيبتي على طرح الموضوع
Nor Ala Nor:
نورتيني يا قمري..علفكرة يا سمسم..كلنا بنفكر زي بعض
كلنا عايزين مستشفي للميديكال اكسيل..واقتراحك بجد ممتاز وكل واحد مننا عنده أفكار جميلة ولو اندمجت مع بعضها هتعمل مشروع جامد جداا بجد
بس يارب الحلم ده يتحقق او حتي نكون احنا شاركنا في أولي خطواته
مشكورة يا قمر
:)
انت عارفه انا يمكن دخلت الطب علشان حبيته من مسلسل er
انت عارفه انا كنت فاكره انى هبقى كده زيهم وهشتغل كده زيهم
بس للاسف صحيت على الواقع بتاعنا الى كل واحد فى حاله
انت عارفه حلم اكترنا انهم يتخرجوا ويفتحوا عياده
انا بقى حلمى اول ما اتخرج اشتغل فى مستشفى ويبقى معايا زملائى كتير ويبقى فيه نقاش حولين الحالات
انا مش عايزه افتح عياده
ده انا بجد بفكر اسافر اشتغل بره علشان احس بروح الفريق
ربنا ييسرى امورى يارب
وبقولك ايه ياايمى ما تيجى نفتح مستشفى مع بعض ونشغل معانا اصحابنا
:)
DR NOUR
انا برضه يا همس كنت داخلة الكلية بسبب المسلسل ده..كنت فاكرة بقي ان جورج كلوني هيدخل يدينا الروند
:D
وطبعا الحقيقة طلعت حاجة تانية بس الحمد لله..بالنسبة للشغل الظاهر فعلا كلنا متفقين علي فكرة شفل الفريق الحمد لله وياريت بجد كل اللي عندهم نفس الطموح ده يتجمعوا سوا ويحققوا الحلم ده ان شاء الله..وانا منهم ان شاء الله
وزي ما قلنا في الاكسيل ..ياريت لو في يوم من الايام يبقي في مستشفي تضم أعضاء الميدأكسيل..هتبقي جميلة ان شاء الله
نورتيني يا قمر
موافق جداً
بس المشكلة فعلاً إننا محدش عودنا على روح الفريق في خلال تربيتنا سواء في البيت أو المدرسة وده طبعاً غلط
بس في الكلية بيحاولوا يعالجوا الحكاية دي
على الأقل من خلال روح الفريق في تحضير بحث الرمد مثلاً
:D
Khaled:
هما فعلا في الكلية بيحاولوا معانا ..ربنا يسهل وتيجي بفايدة ان شاء الله
نورت المدونة
:)
listen girl if u watch a movie called patholgy u will know whatis z difference between er grys anatomy and the other wild face of medicals, z nature of killing or as icall it zblood ephoria..... but although that u r so clear... u got me....i got u.......no one can own anybody at all....can u miss snow princess...keepit up and keep z faith
Post a Comment